मुंबई: मराठा आरक्षणाच्या मागणीसाठी वैजापूरचे राष्ट्रवादी काँग्रेसचे आमदार भाऊसाहेब पाटील चिकटगावकर यांनी आपला राजीनामा विधानसभा अध्यक्षांकडे सोपवला. चिकटगावकर यांनी ई मेलद्वारे राजीनामा पाठवला आहे. वैजापूर येथील आंदोलनादरम्यान त्यांनी ही घोषणा केली.

भाऊसाहेब चिकटगावकर हे राष्ट्रवादी काँग्रेसचे आमदार आहेत. या राजीनाम्यांमुळे सरकार आणि पर्यायाने मुख्यमंत्री देवेंद्र फडणवीस यांच्यावरील दबाब वाढू शकतो. मराठा आरक्षणाच्या मुद्द्यावरून सरकारला कोंडीत पकडण्यासाठी शिवसेना सत्तेतून बाहेर पडणार असल्याची चर्चाही राजकीय वर्तुळात सुरु आहे. आज दुपारी मराठा आरक्षण अध्यादेश काढण्याच्या मागणीसाठी शिवसेनेच्या हर्षवर्धन जाधव यांनी राजीनामा दिला. यानंतर मराठा आरक्षणाच्या मागणीसाठी मराठवाड्यातील आमदाराचा हा दुसरा राजीनामा ठरला आहे.