नवमहाराष्ट्र वेब टीम

वंचित बहुजन आघाडी काँग्रेस पक्षासोबत आघाडी करणार नाही. महाराष्ट्रातील ४८ जागा वंचित बहुजन आघाडी लढवणार आहे, अशी माहिती वंचित बहुजन आघाडीचे प्रमुख प्रकाश आंबेडकर यांनी यवतमाळ दौ-यावर पत्रकारांशी बोलतांना दिली.

आंबेडकरांच्या वंचित बहुजन आघाडीला काँग्रेस सोबत घेण्यासाठी आग्रही आहे. मात्र आंबेडकरांचा 12 जागांचा प्रस्ताव काँग्रेसला मान्य नसल्यामुळे त्यांनी आंबेडरांच्या मागणीकडे दुर्लक्ष केले. यामुळे आंबेडकरांनी काँग्रेस सोबत न जाण्याचा निर्णय घेतला. आंबेडकर म्हणाले की, 2005, 2009, 2014 मध्ये लोकसभेच्या निवडणुकीत काँग्रेस पक्षाने माझ्या विरोधात उमेदवार उभे केले होते. आम्ही स्वतः काँग्रेस सोबत युती करण्यास तयार होतो. मात्र, तरीदेखील त्यांनी स्वतंत्र उमेदवार निवडणुकीच्या रिंगणात उभे केले होते. स्वाभिमानी शेतकरी संघटनेचे राजु शेट्टी यांनीही काँग्रेस आघाडी सोबत येण्यास माझी भेट घेतली होती. परंतु आम्ही आता काँग्रेस सोबत जाणार नाही. असेही आंबेडकरांनी सांगितले. यामुळे लोकसभेच्या निवडणुकांमध्ये चांगलीच रंगत येईल.